«Мұқағали – мәңгілік ғұмыр» тақырыбында кітап көрмесі

Жамбыл облысы әкімдігінің білім басқармасы Қордай ауданының білім бөлімінің №3 Абай Құнанбаев атындағы орта мектебінің кітапханасында Мұқағали Мақатаевтың туғанына 95 жыл толуына орай «Мұқағали – мәңгілік ғұмыр» тақырыбында кітап көрмесі өтті.
Кітап көрмесіне қазақ поэзиясының ұлы тұлғасы Мұқағали Мақатаевтың өлеңдер жинақтары, поэмалары, сондай-ақ ақынның өмірі мен шығармашылығына арналған зерттеу еңбектері қойылды.
Іс-шара барысында оқырмандар ақынның рухани мұрасымен танысып, поэзия әлеміне терең бойлады. Көрменің мақсаты Мұқағали Мақатаевтың әдеби мұрасын кеңінен насихаттау, оқырмандардың кітап оқуға деген қызығушылығын арттыру, жас ұрпақты рухани-адамгершілікке, елжандылыққа тәрбиелеу.