«Қылмыссыз ортаны құру – қоғам міндеті» тақырыбында жалпы облыстық диктант

Жамбыл облысы әкімдігінің білім басқармасының 2026 жылғы 13 сәуірдегі №03-2180 хатына сәйкес, «Заң мен тәртіп» идеологиясын ілгерілету мақсатында 2026 жылдың 22 сәуір күні №3 Абай Құнанбаев атындағы орта мектебінде 8–11 сынып оқушылары арасында «Қылмыссыз ортаны құру – қоғам міндеті» тақырыбында жалпы облыстық диктант ұйымдастырылып өткізілді.
Іс-шараның негізгі мақсаты – оқушылардың құқықтық сауаттылығын арттыру, заңға құрметпен қарауға тәрбиелеу, қоғамдағы тәртіп пен қауіпсіздікті сақтаудың маңыздылығын түсіндіру болып табылады.
Диктант жазу барысында оқушылар берілген мәтінді мұқият тыңдап, сауатты жазуға, өз ойларын дұрыс жеткізуге дағдыланды. Шараға барлық 8–11 сынып оқушылары белсенді қатысып, жоғары жауапкершілік танытты.
Өткізілген диктант оқушылардың құқықтық мәдениетін қалыптастыруға, азаматтық жауапкершілігін арттыруға өз үлесін қосты.