«Шығармашылық интеллигенция – Қазақстан балаларына» тақырыбында өткізілген әдеби

Жамбыл облысы әкімдігінің білім басқармасы Қордай ауданының білім бөлімінің №3 Абай Құнанбаев атындағы орта мектебінің кітапханасында «Шығармашылық интеллигенция – Қазақстан балаларына» тақырыбында өткізілген әдеби кеш – жас ұрпақтың рухани дамуын арттыруға, ұлттық әдебиет пен мәдениетке деген қызығушылығын қалыптастыруға бағытталған тәрбиелік іс-шара.
Іс-шара барысында оқушылар қазақтың ақын-жазушылары мен өнер қайраткерлерінің шығармашылығымен танысып, олардың қоғамдағы рөлі мен маңызын түсінді. Сонымен қатар, қатысушылар көркем әдеби шығармалардан үзінділер оқып, сұрақ-жауап, пікір алмасу арқылы өз ойларын еркін жеткізуге мүмкіндік алды.
Әдеби кештің басты мақсаты – оқушылардың шығармашылық қабілетін дамыту, рухани құндылықтарды дәріптеу, кітап оқуға деген қызығушылықты арттыру және ұлттық мәдени мұраны құрметтеуге тәрбиелеу.
Іс-шара жоғары деңгейде ұйымдастырылып, оқушылардың белсенді қатысуымен өтті.