Ахмет Қуанұлы Жұбановтың туғанына 120 жыл толуына орай танымдық сағат және кітап көрмесі

Жамбыл облысы әкімдігінің білім басқармасы Қордай ауданының білім бөлімінің №3 Абай Құнанбаев атындағы орта мектебінің кітапханасында педагог, қоғам қайраткері Ахмет Қуанұлы Жұбановтың туғанына 120 жыл толуына орай танымдық сағат және кітап көрмесі өтті.
Іс-шараның негізгі мақсаты – оқушыларды қазақ музыка өнерінің негізін қалаушылардың бірі Ахмет Жұбановтың өмірі мен шығармашылығымен таныстыру, ұлттық мәдениетке деген қызығушылығын арттыру.
Танымдық сағат барысында оқушыларға Ахмет Жұбановтың қазақ музыкасына қосқан зор үлесі, оның композитор, дирижер, зерттеуші ретіндегі еңбектері туралы мағлұмат берілді. Сонымен қатар, ғалымның қазақтың халық музыкасын жинақтап, зерттеудегі рөлі ерекше атап өтілді.